ಬೆಂಗಳೂರಿನ ಪ್ರತಿಷ್ಠಿತ ಆರ್.ಆರ್.ನಗರದ ಅಭಿವೃದ್ಧಿಗೆ ರಾಜಕೀಯ ಗ್ರಹಣ

ಸಿಲಿಕಾನ್ ಸಿಟಿ ಬೆಂಗಳೂರಿನ ಪ್ರತಿಷ್ಠಿತ ಬಡಾವಣೆಯಾದ ರಾಜರಾಜೇಶ್ವರಿ ನಗರದಲ್ಲಿ ರಾಜಕೀಯ ಮೇಲಾಟದಿಂದ ಅಭಿವೃದ್ಧಿ ಶೂನ್ಯವಾಗಿದೆ.ಸ್ಥಳೀಯ ಶಾಸಕ ಮುನಿರತ್ನ ಹಾಗೂ ಬೆಂಗಳೂರು ಅಭಿವೃದ್ಧಿ ಸಚಿವರಾಗಿರುವ ಡಿಸಿಎಂ ಡಿ.ಕೆ. ಶಿವಕುಮಾರ್‌ ನಡುವಿನ ವೈಯಕ್ತಿಕ ದ್ವೇಷದಿಂದ ಇಡೀ ಬಡಾವಣೆಯೇ ಬವಣೆ ಅನುಭವಿಸುತ್ತಿದೆ. ಚಾಲೆಂಜಿಂಗ್‌ ಸ್ಟಾರ್ ದರ್ಶನ್, ಗೋಲ್ಡರ್‌ ಸ್ಟಾರ್‌ ಗಣೇಶ್, ರಕ್ಷಿತ್‌ ಶೆಟ್ಟಿ, ನಟಿ ಅಮೂಲ್ಯ, ರಚಿತಾರಾಮ್‌ ಸೇರಿದಂತೆ ಹಲವು ಸೆಲೆಬ್ರಿಟಿಗಳು ವಾಸವಾಗಿರುವ ಈ ಬಡಾವಣೆಯಲ್ಲಿ ನಾಲ್ಕು ವರ್ಷಗಳ ಹಿಂದೆ ಆರಂಭಿಸಲಾದ ಮೇಲ್ಸೇತುವೆ ಕಾಮಗಾರಿಯು ರಾಜಕೀಯ ಜಿದ್ದಿಗೆ ಬಲಿಯಾಗಿದೆ.