ಕ್ರೀಡೆಯನ್ನೂ ಮೀರಿದ ಸ್ಪೇನ್ ಪ್ರೇಮ: ಫೀಫಾ ವಿಶ್ವಕಪ್ ಫೈನಲ್ ಚಿತ್ರಣವನ್ನೇ ಬದಲಿಸಿದ ಪ್ರಧಾನಿ ಪೆಡ್ರೊ

2026ರ ಫಿಫಾ ವಿಶ್ವಕಪ್ ಅಂತಿಮ ಹಣಾಹಣಿಯಲ್ಲಿ ಅರ್ಜೆಂಟೀನಾ ವಿರುದ್ಧ ಸ್ಪೇನ್ ಸಾಧಿಸಿದ ವಿಜಯವು ಫುಟ್ಬಾಲ್ ಮೈದಾನದ ಆಚೆಗೂ ಅನುರಣಿಸಿತು. ಅಂದರೆ ಪ್ಯಾಲೆಸ್ತೀನ್ ಪ್ರದೇಶಗಳಲ್ಲಿ ಮತ್ತು ಪ್ರಪಂಚದಾದ್ಯಂತ ಅದರ ಹೊಸ ಅಭಿಮಾನಿಗಳಲ್ಲಿಯೂ ಪ್ರತಿಧ್ವನಿಸಿತು. ಇದಕ್ಕೆ ಕಾರಣವೂ ಇತ್ತು. ಈ ಪಂದ್ಯವು ಅಲ್ಲಿನ ಪ್ರಧಾನಿ ಪೆಡ್ರೊ ಸ್ಯಾಂಚೆಜ್ ಅವರ ದಕ್ಷಿಣಪರ ಮತ್ತು ಡೊನಾಲ್ಡ್ ಟ್ರಂಪ್ ವಿರೋಧಿ ರಾಜಕೀಯ ನಿಲುವಿನೊಂದಿಗೆ ಬೆಸೆದುಕೊಂಡಿತ್ತು.

“ಸ್ಪೇನ್ ಆಡುತ್ತಿರುವ ಆಟ ಮಾನವೀಯತೆಗಾಗಿ!” ಟೆಲಿವಿಷನ್ ಸೆಟ್ಗಳ ಮುಂದೆ ಕಿಕ್ಕಿರಿದು ಜಮಾಯಿಸಿದ್ದ ನೂರಾರು ಜನರಲ್ಲಿ ಒಬ್ಬರಾದ ಪ್ಯಾಲೆಸ್ತೀನ್ ನಿವಾಸಿಯೊಬ್ಬರು ಹಾಗೆಂದು ಹೇಳಿದ್ದಾರೆ ಎಂದು ವರದಿಯಾಗಿದೆ.

2023ರ ಅಕ್ಟೋಬರ್ ಏಳರಂದು ಇಸ್ರೇಲ್ ಮೇಲೆ ಹಮಾಸ್ ದಾಳಿ ನಡೆಸಿದ ಬಳಿಕ ಗಾಜಾ ಪಟ್ಟಿಯ ಮೇಲೆ ಇಸ್ರೇಲ್ ನರಮೇಧವನ್ನೇ ನಡೆಸಿತು. ಅದನ್ನು ಅನುಸರಿಸಿ ಬೆಂಜಮಿನ್ ನೆತನ್ಯಾಹು ಅವರ ಆಡಳಿತದ ವಿರುದ್ಧ ಟೀಕಿಸಿದ ಮೊದಲ ಗಟ್ಟಿ ಧ್ವನಿಗಳಲ್ಲಿ ಒಬ್ಬರದ್ದೆಂದರೆ ಅದು ಸ್ಪೇನ್ ಪ್ರಧಾನಿ ಪೆಡ್ರೊ ಅವರದ್ದು. ಎರಡು ವರ್ಷಗಳ ಸುದೀರ್ಘ ದಾಳಿ ಬಲಿಪಡೆದಿದ್ದು 72 ಸಾವಿರಕ್ಕೂ ಅಧಿಕ ಪ್ಯಾಲೆಸ್ತೀನಿಯನ್ನರನ್ನು. ಅಷ್ಟಾದರೂ ಬಹುತೇಕ ಐರೋಪ್ಯ ರಾಷ್ಟ್ರಗಳು ಹಾಗೂ ಪ್ರಪಂಚದ ಉಳಿದ ಭಾಗಗಳು ಸೊಲ್ಲೆತ್ತದೇ ಇದ್ದಾಗ ಪೆಡ್ರೊ ಎತ್ತಿದ ಧ್ವನಿ ಗಮನಾರ್ಹವಾಗಿತ್ತು. ಕದನ ವಿರಾಮ ಘೋಷಣೆ ಆಗಿದ್ದರೂ ಆಗಾಗ್ಗೆ ದಾಳಿಗಳು ಇನ್ನೂ ನಿಂತಿಲ್ಲ.

ನ್ಯೂಯಾರ್ಕ್ನಲ್ಲಿ ಅರ್ಜೆಂಟೀನಾ ವಿರುದ್ಧ ನಡೆದ ತಮ್ಮ ದೇಶದ ಫೈನಲ್ ಪಂದ್ಯದ ವೇಳೆ ಸ್ಪೇನ್ ಪ್ರಧಾನಿ ಸ್ಯಾಂಜೆಜ್ ಅವರು ಅಚ್ಚರಿ ಎನ್ನುವಂತೆ ಸಾಕ್ಷಿಯಾಗಿದ್ದರು. ಆದರೆ ಅರ್ಜೆಂಟೀನಾ ಅಧ್ಯಕ್ಷ ಜೇವಿಯರ್ ಮಿಲೈ ಅವರ ಗೈರುಹಾಜರಿ ಅಲ್ಲಿ ಎದ್ದುಕಾಣುತ್ತಿತ್ತು. ಇಡೀ ಪ್ರಪಂಚದಲ್ಲಿ ಅಧಿಕಾರದಲ್ಲಿ ಇರುವ ಕೆಲವೇ ಕೆಲವು ಎಡಪಂಥೀಯ ಹಾಗೂ ಸಮಾಜವಾದಿ ಚಿಂತನೆಯ ರಾಜಕಾರಣಿಗಳಲ್ಲಿ ಒಬ್ಬರು ಈ ಸ್ಪೇನ್ ನಾಯಕ. ಅವರು ಗಾಜಾಪಟ್ಟಿಯ ಮೇಲಿನ ಇಸ್ರೇಲ್ ದಾಳಿ ಹಾಗೂ ಇರಾನ್ ಮೇಲಿನ ಅಮೆರಿಕ-ಇಸ್ರೇಲ್ ದಾಳಿಗಳನ್ನು ವಿರೋಧಿಸುವ ಮೂಲಕ ಅಮೆರಿಕ ಅಧ್ಯಕ್ಷ ಟ್ರಂಪ್ ಹಾಗೂ ಅವರ ಆಪ್ತ ಸಹಚರ ಇಸ್ರೇಲ್ ಪ್ರಧಾನಿ ನೆತನ್ಯಾಹು ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

ಮಾತಿಗಷ್ಟೇ ಸೀಮಿತವಾಗದ ನಿಲುವು

ಕೇವಲ ಮಾತುಗಳಿಗೆ ಸೀಮಿತವಾಗದೆ ಒಂದು ಹೆಜ್ಜೆ ಮುಂದೆ ಹೋದ ಸ್ಪೇನ್, ಇಸ್ರೇಲ್ಗೆ ಸೇನಾ ಶಸ್ತ್ರಾಸ್ತ್ರಗಳನ್ನು ಸಾಗಿಸುವ ಹಡಗುಗಳು ಸ್ಪ್ಯಾನಿಷ್ ಬಂದರುಗಳಲ್ಲಿ ತಂಗಲು ನೀಡಿದ್ದ ಅನುಮತಿ ಹಿಂತೆಗೆದುಕೊಂಡಿತು. ಪ್ಯಾಲೇಸ್ಟಿನಿಯನ್ ರಾಷ್ಟ್ರದ ಅಸ್ತಿತ್ವವನ್ನು ಅಧಿಕೃತವಾಗಿ ಗುರುತಿಸಿದ ಮೊದಲ ಯುರೋಪಿಯನ್ ರಾಷ್ಟ್ರಗಳಲ್ಲಿ ಇದು ಕೂಡ ಒಂದು ಎಂಬುದನ್ನು ಮರೆಯುವಂತಿಲ್ಲ.

ಇತ್ತೀಚೆಗಷ್ಟೇ, ಫೆಬ್ರವರಿ ಕೊನೆಯಲ್ಲಿ ಪ್ರಾರಂಭವಾದ ಇರಾನ್ ಮೇಲಿನ ಅಮೆರಿಕ-ಇಸ್ರೇಲಿ ದಾಳಿಗಳನ್ನು ಟೀಕಿಸುವಲ್ಲಿ ಸ್ಯಾಂಚೆಜ್ ಅವರು ಯಾವುದೇ ರೀತಿಯಲ್ಲಿ ಅಳುಕಲಿಲ್ಲ. ಇರಾನ್ ಮೇಲಿನ ಮಿಲಿಟರಿ ದಾಳಿಗಳಿಗಾಗಿ ಅಮೆರಿಕದಲ್ಲಿರುವ ಮಿಲಿಟರಿ ನೆಲೆಗಳನ್ನು ಬಳಸುವುದನ್ನು ಅವರ ಸರ್ಕಾರವು ಸ್ಪಷ್ಟವಾಗಿ ನಿಷೇಧಿಸಿತು. ಸ್ಪೇನ್ ಮತ್ತು ಅಮೆರಿಕ ಎರಡೂ ಸಹವರ್ತಿ ನ್ಯಾಟೋ ಮಿತ್ರರಾಷ್ಟ್ರಗಳಾಗಿದ್ದರೂ, ಇದು ಸ್ಯಾಂಚೆಜ್ ಅವರ ನಿಲುವಿನಲ್ಲಿ ಯಾವುದೇ ಬದಲಾವಣೆ ತರಲಿಲ್ಲ. ಅವರು ಇರಾನ್ ಮೇಲಿನ ಟ್ರಂಪ್ ಅವರು ನಡೆಸಿದ ದಾಳಿಯನ್ನು "ಕಾನೂನುಬಾಹಿರ ಮತ್ತು ಅಂತರರಾಷ್ಟ್ರೀಯ ಕಾನೂನಿಗೆ ವಿರುದ್ಧವಾದುದು" ಎಂದು ವಿಶ್ಲೇಷಿಸುವಲ್ಲಿ ಹಿಂಜರಿಯಲಿಲ್ಲ.

ಹಾಗಂತ ಅದರ ನುಡಿಗಳು ಕೇವಲ ಮಾತಿಗಷ್ಟೇ ಸೀಮಿತವಾಗಲಿಲ್ಲ. ಸಶಸ್ತ್ರ ಮಿಲಿಟರಿ ಶಸ್ತ್ರಾಸ್ತ್ರಗಳನ್ನು ಇಸ್ರೇಲ್ಗೆ ಸಾಗಿಸುವ ಹಡಗುಗಳು ಸ್ಪಾನಿಶ್ ಬಂದರುಗಳಲ್ಲಿ ನಿಲ್ಲಲು ನೀಡಿದ್ದ ಅನುಮತಿಯನ್ನು ಹಿಂದಕ್ಕೆ ಪಡೆಯಿತು. ಅಷ್ಟುಮಾತ್ರವಲ್ಲದೆ ಪ್ಯಾಲೆಸ್ತೀನ್ನ ಸ್ವತಂತ್ರ ದೇಶದ ಅರ್ಹತೆಯನ್ನು ಮೊದಲು ಗುರುತಿಸಿದ ಐರೋಪ್ಯ ರಾಷ್ಟ್ರಗಳಲ್ಲಿ ಸ್ಪೇನ್ ಕೂಡ ಒಂದು ಎಂಬುದನ್ನು ಮರೆಯಬಾರದು.

ಸ್ಯಾಂಚೆಜ್ ಎಂಬ ಗಟ್ಟಿ ಧ್ವನಿ

ಫೆಬ್ರುವರಿಯ ಕೊನೆಯ ಭಾಗದಲ್ಲಿ ಆರಂಭಗೊಂಡ ಇರಾನ್ ಮೇಲಿನ ಅಮೆರಿಕ-ಇಸ್ರೇಲ್ ದಾಳಿಗಳನ್ನು ಟೀಕಿಸುವಲ್ಲಿ ಸ್ಯಾಂಚೆಜ್ ನೀಡಿದ್ದು ತತಕ್ಷಣದ ಪ್ರತಿಕ್ರಿಯೆ. ಇರಾನ್ ಮೇಲಿನ ಮಿಲಿಟರಿ ದಾಳಿಗಳಿಗಾಗಿ ಸ್ಪೇನ್ನಲ್ಲಿರುವ ಸೇನಾ ನೆಲೆಗಳನ್ನು ನೀವು ಬಳಸಿಕೊಳ್ಳಲು ಸಾಧ್ಯವೇ ಇಲ್ಲ ಎಂದು ಅವರ ಸರ್ಕಾರವು ಅಮೆರಿಕಕ್ಕೆ ಸ್ಪಷ್ಟವಾದ ನಿಷೇಧವನ್ನು ಹೇರಿತು. ಸ್ಪೇನ್ ಮತ್ತು ಅದರ ಅಮೆರಿಕ ಸಹವರ್ತಿ ನ್ಯಾಟೋ ಮಿತ್ರ ರಾಷ್ಟ್ರಗಳಾಗಿದ್ದರೂ ಸ್ಯಾಂಚೆಜ್ ಅವರ ನೈತಿಕ ಸ್ಥೈರ್ಯಕ್ಕೆ ಅದೇನೂ ಅಡ್ಡಿಯಾಗಲಿಲ್ಲ. ಅವರು ಇರಾನ್ ಮೇಲಿನ ಟ್ರಂಪ್ ದಾಳಿಯನ್ನು ಅಕ್ರಮ ಮತ್ತು ಅಂತಾರಾಷ್ಟ್ರೀಯ ಕಾನೂನಿಗೆ ಸಂಪೂರ್ಣ ವಿರುದ್ಧವಾದುದು ಎಂದು ಅವರು ಗಟ್ಟಿ ಧ್ವನಿಯಲ್ಲಿ ಗುಡುಗಿದರು.

ಜಗತ್ತಿನಾದ್ಯಂತ ಭಾರತವೂ ಸೇರಿದಂತೆ ಸಂಪ್ರದಾಯವಾಗಿ, ಬಲಪಂಥೀಯ ಸರ್ಕಾರಗಳು ಅಧಿಕಾರಕ್ಕೆ ಬರುತ್ತಿರುವ ಅಥವಾ ಈಗಾಗಲೇ ಅಧಿಕಾರದಲ್ಲಿರುವ ಈ ಹೊತ್ತಿನಲ್ಲಿ ಪೆಡ್ರೊ ಅವರು ವಿರೋಧ ಪಕ್ಷದ ಉದಾರವಾದಿ ಎಡಪಂಥೀಯ ಸರ್ಕಾರಗಳು ಮತ್ತು ಅವರ ಬೆಂಬಲಿಗರಿಗೆ ಪ್ರಭಾವಶಾಲಿ ನಾಯಕರಾಗಿ ಹೊರಹೊಮ್ಮಿದ್ದಾರೆ.

ಈ ಬಾರಿಯ ಫಿಪಾ ವಿಶ್ವಕಪ್ ಫೈನಲ್ ಪಂದ್ಯವು ಮೈದಾನದಲ್ಲಿ ನಿಗದಿಪಡಿಸಿದ್ದ ತೊಂಭತ್ತು ನಿಮಿಷಗಳ ಫುಟ್ಬಾಲ್ ಆಟವನ್ನು ಮೀರಿದ್ದಾಗಿತ್ತು ಎಂಬುದನ್ನು ಜಗತ್ತು ಅರ್ಥಮಾಡಿಕೊಂಡಿತ್ತು. ಅದು ಎಡಪಂಥೀಯ ಮತ್ತು ಬಲಪಂಥೀಯರ ನಡುವಿನ ವಿಶಾಲವಾದ ಧ್ರುವೀಕೃತ ರಾಜಕೀಯ ಕಥಾನಕದ ಮಧ್ಯದಲ್ಲಿ ನೆಲೆಗೊಂಡಿತ್ತು.

ಮತ್ತೊಂದು ಕಡೆ ಅರ್ಜೆಂಟೀನಾ ತಂಡವು ಮುಖ್ಯವಾಗಿ ಐಕಾನಿಕ್ ಲಿಯೋನೆಲ್ ಮೆಸ್ಸಿ ಅವರ ಕಾರಣದಿಂದಾಗಿ ಅಪಾರ ಜನಪ್ರಿಯತೆ ಗಳಿಸಿದ್ದರೂ ತನ್ನ ಇಸ್ರೇಲ್ ಪರ ಮತ್ತು ಟ್ರಂಪ್ ಪರ ಅಧ್ಯಕ್ಷ ಮಿಲೈ ಅವರ ಕಾರಣದಿಂದಾಗಿ ರಕ್ಷಣಾ ಕವಚದೊಳಗೆ ಸೇರಿಕೊಂಡಿದೆ.

ಟ್ರಂಪ್ ಯುದ್ಧಕ್ಕೆ ಬೆಂಬಲ ನೀಡಿದವರು

ದಕ್ಷಿಣ ಅಮೆರಿಕಾದಲ್ಲೇ ಅತಿ ಹೆಚ್ಚು ಯಹೂದಿ ಜನಸಂಖ್ಯೆಯನ್ನು ಹೊಂದಿರುವ ದೇಶ ಅರ್ಜೆಂಟೀನಾ. ಅಂತಹ ದೇಶದ ಮುಖ್ಯಸ್ಥರಾದ ಮಿಲೈ ಅವರು ಯಹೂದಿ ಧರ್ಮಕ್ಕೆ ಮತಾಂತರಗೊಳ್ಳುವ ಇಚ್ಛೆ ವ್ಯಕ್ತಪಡಿಸಿದವರು. ಇನ್ನೂ ಗಮನಾರ್ಹ ಸಂಗತಿ ಏನೆಂದರೆ ಅವರು ಗಾಜಾ ಮೇಲಿನ ಇಸ್ರೇಲ್ ಜನಾಂಗೀಯ ದಾಳಿ ಮತ್ತು ಇರಾನ್ ಜೊತೆಗಿನ ಟ್ರಂಪ್ ಅವರ ಯುದ್ಧವನ್ನು ಬೆಂಬಲಿಸಿದವರು.

ಇಷ್ಟೆಲ್ಲದರ ನಡುವೆ ಫುಟ್ಬಾಲ್ ತಾರೆ ಮೆಸ್ಸಿ ಅವರು ರಾಜಕೀಯದಿಂದ ದೂರವಿರಲು ಅಥವಾ ಮತ್ಯಾವುದೇ ರಾಜಕೀಯ ಹೇಳಿಕೆಗಳನ್ನು ನೀಡದೇ ಇರಲು ಅವರು ತಮ್ಮದೇ ಆದ ವೈಯಕ್ತಿಕ ದಾಖಲೆಯನ್ನು ಹೊಂದಿದ್ದಾರೆ. ಆದರೆ ಅವರು ಇಸ್ರೇಲ್ನ್ನು ಬೆಂಬಲಿಸುತ್ತಾರೋ ಇಲ್ಲವೋ ಎಂಬ ವಿಚಾರದಲ್ಲಿ ಅವರ ಅಭಿಮಾನಿಗಳ ನಡುವೆ ವಾಕ್ಸಮರವೇ ನಡೆಯುತ್ತಿದೆ.

ಉದಾಹರಣೆಗೆ ಅವರು ಯಹೂದಿಗಳ ಬೆಂಬಲಿಗರು ಎಂದು ಇಸ್ರೇಲಿ ಮಾಧ್ಯಮಗಳು ಪ್ರತಿಪಾದಿಸುತ್ತವೆ. ಆಕ್ರಮಿತ ಪೂರ್ವ ಜೆರುಸಲೇಮ್ನಲ್ಲಿರುವ ಪವಿತ್ರ ವೆಸ್ಟರ್ನ್ ವಾಲ್ನಲ್ಲಿ ಪ್ರಾರ್ಥನೆ ಸಲ್ಲಿಸುತ್ತಿರುವ ಚಿತ್ರವನ್ನು ಹಂಚಿಕೊಳ್ಳಲಾಗಿದೆ. ಯಹೂದಿಗಳ ಜೊತೆ ನಿಕಟ ಸಂಬಂಧ ಹೊಂದಿದ್ದಾರೆ ಎಂಬುದನ್ನು ಸಾರ್ವಜನಿಕವಾಗಿ ತೋರಿಸುವ ಉದ್ದೇಶದಿಂದ ಇದನ್ನು ವ್ಯಾಪಕವಾಗಿ ಹಂಚಿಕೊಳ್ಳಲಾಗಿದೆ. ಇದು ಅವರ ಬಾರ್ಸಿಲೋನಾ ತಂಡವು ಇಸ್ರೇಲ್ ಪ್ರವಾಸದಲ್ಲಿದ್ದಾಗ ನಡೆದ ಘಟನೆಯಾಗಿದೆ.

ಇನ್ನೊಂದೆಡೆ, ಅವರ ಜಿಯೋನಿಸ್ಟ್-ವಿರೋಧಿ ಬೆಂಬಲಿಗರು, ಕತಾರ್ನಲ್ಲಿ ನಡೆದ ಹಿಂದಿನ ಆವೃತ್ತಿಯ ವಿಶ್ವಕಪ್ನಲ್ಲಿ ಅರ್ಜೆಂಟೀನಾ ಗೆದ್ದ ನಂತರ ಅಧ್ಯಕ್ಷರ ಆಹ್ವಾನಕ್ಕೆ ಮೆಸ್ಸಿ ನೀಡಿದ ಪ್ರತಿಕ್ರಿಯೆಯನ್ನು ಬೊಟ್ಟು ಮಾಡಿ ತೋರಿಸುತ್ತಾರೆ. ಆ ಸಮಯದಲ್ಲಿ, ಅರ್ಜೆಂಟೀನಾದ ಧ್ರುವೀಕೃತ ರಾಜಕೀಯದಿಂದ ದೂರವಿರಲು ಮೆಸ್ಸಿ, ಅಧ್ಯಕ್ಷೀಯ ಅರಮನೆಯ (ಆಗಿನ ಅಧ್ಯಕ್ಷ ಅಲ್ಬರ್ಟೊ ಫೆರ್ನಾಂಡಿಸ್ ನೇತೃತ್ವದ) ಆಹ್ವಾನವನ್ನು ಸ್ವೀಕರಿಸದಂತೆ ತಮ್ಮ ತಂಡಕ್ಕೆ ಸೂಚಿಸಿದ್ದರು.

ಸ್ಪೇನ್ ಮತ್ತು ಅರ್ಜೆಂಟೀನಾ ಅಧ್ಯಕ್ಷರ ನಡುವೆ ಒಮ್ಮತವಿಲ್ಲ

ಕುತೂಹಲಕಾರಿ ವಿಷಯವೆಂದರೆ, ಸ್ಯಾಂಚೆಜ್ ಮತ್ತು ಮಿಲೈ ನಡುವಿನ ವಿಭಿನ್ನ ರಾಜಕೀಯ ಸಿದ್ಧಾಂತಗಳಿಂದಾಗಿ ಉಂಟಾದ ವೈಯಕ್ತಿಕ ದ್ವೇಷವು ಸ್ಪೇನ್ ಮತ್ತು ಅರ್ಜೆಂಟೀನಾ ಫೈನಲ್ ಪಂದ್ಯವನ್ನು ಮತ್ತೊಂದು ಹಂತಕ್ಕೆ ಕೊಂಡೊಯ್ದ ಮತ್ತೊಂದು ಅಂಶವಾಗಿದೆ. ಮಿಲೈ ಅಧಿಕಾರಕ್ಕೆ ಬಂದು ಎರಡು ವರ್ಷಗಳಾಗಿದ್ದು, ಇಬ್ಬರ ನಡುವಿನ ಕಟು ವೈರತ್ವವು ಬಹಿರಂಗವಾಗಿಯೇ ಮುಂದುವರಿದಿದೆ.

ಸ್ಯಾಂಚೆಜ್ ಅವರು ಮಿಲೈ ಅವರನ್ನು ಬಲಪಂಥೀಯ ಉಗ್ರಗಾಮಿ ಎಂದು ತಿರಸ್ಕಾರದಿಂದ ಕರೆದರೆ, ಮಿಲೈ ಅವರು ಸ್ಯಾಂಚೆಜ್ ಕುಟುಂಬ ಭ್ರಷ್ಟಾಚಾರದಲ್ಲಿ ತೊಡಗಿದೆ ಎಂಬ ಆರೋಪ ಹೊರಿಸಿದ್ದಾರೆ.

ವಿಶ್ವಕಪ್ ಫೈನಲ್ನಲ್ಲಿ ಸ್ಪೇನ್‌ಗೆ ಗಾಜಾದ ಬೆಂಬಲ

ಇಸ್ರೇಲ್ನಿಂದ ದಾಳಿಗೆ ಒಳಗಾಗಿರುವ ಗಾಜಾದ ಜನರಿಗೆ, ಪಶ್ಚಿಮ ದಂಡೆಯಲ್ಲಿರುವ ಪ್ಯಾಲೆಸ್ತೀನ್ ನಿವಾಸಿಗಳಿಗೆ ಮತ್ತು ಪ್ರಪಂಚದಾದ್ಯಂತ ಅವರನ್ನು ಬೆಂಬಲಿಸುವ ಗುಂಪುಗಳಿಗೆ, ಸ್ಪೇನ್ ಮತ್ತು ಅರ್ಜೆಂಟೀನಾ ನಡುವಿನ ಈ ಪಂದ್ಯವು ಅನಿವಾರ್ಯವಾಗಿ "ಮತ್ತೊಂದು ರೀತಿಯ ಕದನ"ವಾಗಿ ಮಾರ್ಪಟ್ಟಿತು. ಈ ಪ್ರಕ್ರಿಯೆಯು ಪಂದ್ಯದ ಮಹತ್ವವನ್ನು ಸಂಪೂರ್ಣವಾಗಿ ಬೇರೆಯದೇ ಆದ ಔನತ್ಯಕ್ಕೆ ಏರಿಸಿತು.

ಪಶ್ಚಿಮ ದಂಡೆಯ ನಿವಾಸಿಯೊಬ್ಬರು ಹೀಗೆ ಹೇಳಿದ್ದಾರೆ: "ಇಂದು ರಾತ್ರಿ, ಇಡೀ ಪ್ಯಾಲೆಸ್ತೀನ್ನಾದ್ಯಂತ ಲಕ್ಷಾಂತರ ಹೃದಯಗಳು ಕೆಂಪು ಜರ್ಸಿ ಧರಿಸಿರುವ 11 ಜನರ ಪರವಾಗಿ ಒಂದಾಗಿ ಮಿಡಿಯುತ್ತಿರುವಂತೆ ತೋರುತ್ತಿದೆ. ಕೆಲವರು ಇದನ್ನು ಪ್ರತಿರೋಧದ ಬಣ್ಣ ಎನ್ನುತ್ತಾರೆ. ಇನ್ನು ಕೆಲವರು ಇದನ್ನು ಚೈತನ್ಯದ ಬಣ್ಣ ಎಂದು ಕಾಣುತ್ತಾರೆ. ಬಹುಶಃ, ಇಂದು ರಾತ್ರಿ, ಇದು ಕೇವಲ ಭರವಸೆಯ ಬಣ್ಣವಾಗಿದೆ."

ಮಾನವೀಯತೆ ಗೆಲ್ಲುವ ತಾಕತ್ತು

"90 ನಿಮಿಷಗಳ ಕಾಲ, ಆ 11 ಆಟಗಾರರು ಕೇವಲ ಒಂದು ರಾಷ್ಟ್ರದ ಕನಸುಗಳನ್ನಷ್ಟೇ ಹೊತ್ತು ಸಾಗಲಿಲ್ಲ, ಮಾನವೀಯತೆ ಇನ್ನೂ ಗೆಲ್ಲುವ ತಾಕತ್ತು ಹೊಂದಿದೆ ಎಂದು ನಂಬಲು ಬಯಸುವ ಜನರ ಮೌನ ಪ್ರಾರ್ಥನೆಗಳನ್ನು ಅವರು ಹೊತ್ತು ಸಾಗುತ್ತಿದ್ದಾರೆ."

ಅಂತಿಮವಾಗಿ, ಸ್ಪೇನ್ ಫೈನಲ್ ಪಂದ್ಯದ ಏಕೈಕ ಗೋಲು ಗಳಿಸಿದಾಗ, ಪ್ಯಾಲೆಸ್ತೀನಿ ಜನರ ಉಕ್ಕಿ ಹರಿದ ಸಂತಸದ ದೃಶ್ಯಗಳನ್ನು ಸ್ಮರಿಸುತ್ತಾ, ಆಕ್ರಮಿತ ಪ್ರದೇಶದಿಂದ ಬಂದ ಒಂದು ಪೋಸ್ಟ್ ಹೀಗೆ ಹೇಳಿದೆ: "ಕ್ಷಣಕಾಲ ಮರೆಯಾದ ಆ ಒಂದು ಸುಂದರ ಕ್ಷಣಕ್ಕಾಗಿ, ನಮ್ಮ ನಡುವಿನ ಎಲ್ಲ ಅಂತರಗಳನ್ನೂ ಈ ಫುಟ್ಬಾಲ್ ಅಳಿಸಿಹಾಕಿತು. ನಾವು ಅಪರಿಚಿತರಾಗಿ ಉಳಿಯಲಿಲ್ಲ, ಭರವಸೆಯನ್ನು ಜೊತೆಯಾಗಿ ಸಂಭ್ರಮಿಸಿದ ಮಾನವರಾದೆವು."

ಲಕ್ಷಾಂತರ ಜನರು ವೀಕ್ಷಿಸಿದ ಈ ಫೈನಲ್ ಪಂದ್ಯವು, ಜಗತ್ತಿನ ಒಂದು ಕಾಲ್ಪನಿಕ/ಭಾವನಾತ್ಮಕ ನೋಟಕ್ಕೆ ಕ್ಷಣಕಾಲ ಎಡೆಮಾಡಿಕೊಟ್ಟಿತು. ಆದರೆ, ವಿಪರ್ಯಾಸವೆಂದರೆ, ಸ್ಪೇನ್ ಗೆದ್ದ ಕೆಲವು ನಿಮಿಷಗಳ ನಂತರ ಕೆಲವು ಆಟಗಾರರ ನಡುವೆ ನಡೆದ ಜಗಳವು ಬಹುಶಃ ನಮಗೆ ತಿಳಿದಿರುವ ವಾಸ್ತವಕ್ಕೆ ಅತ್ಯಂತ ಸನಿಹವಾಗಿತ್ತು.

Disclaimer: ವಿವಿಧ ವಲಯಗಳಿಂದ ಅಭಿಪ್ರಾಯಗಳನ್ನು ಕಲೆಹಾಕಿ ಪ್ರಸ್ತುತಪಡಿಸಲು ದ ಫೆಡರಲ್, ಪ್ರಯತ್ನಿಸುತ್ತದೆ. ಲೇಖನಗಳಲ್ಲಿನ ಮಾಹಿತಿ, ಕಲ್ಪನೆಗಳು ಅಥವಾ ಅಭಿಪ್ರಾಯಗಳು ಸಂಪೂರ್ಣವಾಗಿ ಲೇಖಕರದ್ದಾಗಿದ್ದು, ಅವು ʼದ ಫೆಡರಲ್‌ ಕರ್ನಾಟಕʼದ ದೃಷ್ಟಿಕೋನಗಳನ್ನು ಪ್ರತಿಬಿಂಬಿಸುವುದಿಲ್ಲ. ಮೂಲ ಲೇಖನ 'ದ ಫೆಡರಲ್‌' ಇಂಗ್ಲಿಷ್‌ ಜಾಲತಾಣದಲ್ಲಿ ಪ್ರಕಟವಾಗಿದೆ.