ಒಂದೇ ಚಕ್ರದಲ್ಲಿ 11 ಸಾವಿರ ಕಿಮೀ ಸೈಕಲ್ ಸವಾರಿ

ಕೇರಳದ ಸೈಕ್ಲಿಸ್ಟ್ ಸನ್ನಿ ದೇವಿಜರ್‌ ಮಾದಕವಸ್ತು ವಿರೋಧಿ ಜಾಗೃತಿ ಮೂಡಿಸಲು ಸಾಹಸಮಯ ಸೈಕಲ್ ಸವಾರಿಗೆ ಮುಂದಾಗಿದ್ದಾರೆ. ಮುಂಭಾಗದ ಚಕ್ರವಿಲ್ಲದೆ ಸೈಕಲ್‌ ಓಡಿಸುತ್ತಿರುವ ಅವರು, ಕೇರಳದಿಂದ ಎವರೆಸ್ಟ್ ಬೇಸ್ ಕ್ಯಾಂಪ್‌ವರೆಗೆ ತೆರಳುವ ಗುರಿ ಹೊಂದಿದ್ದಾರೆ. ಈಗಾಗಲೇ ಕೇರಳದಿಂದ ಕಾಶ್ಮೀರದವರೆಗೆ ಇದೇ ರೀತಿಯಲ್ಲಿ 7 ಸಾವಿರಕ್ಕೂ ಹೆಚ್ಚು ಕಿಲೋಮೀಟರ್‌ ಸೈಕಲ್‌ ಸವಾರಿ ಮಾಡಿದ್ದಾರೆ. 36 ದಿನಗಳ ಸವಾರಿಯ ಬಳಿಕ ಸನ್ನಿ ದೇವಿಜರ್‌ ಸದ್ಯ ತಿರುಚಿರಾಪಳ್ಳಿಗೆ ತಲುಪಿದ್ದಾರೆ. ಪ್ರತಿದಿನ ರಸ್ತೆ ಮತ್ತು ಹವಾಮಾನ ಪರಿಸ್ಥಿತಿಗೆ ಅನುಗುಣವಾಗಿ 50ರಿಂದ 60 ಕಿಲೋಮೀಟರ್‌ ಸವಾರಿ ಮಾಡುತ್ತಿದ್ದಾರೆ. ತಂಜಾವೂರು, ಪುದುಚೇರಿ ಮತ್ತು ಚೆನ್ನೈ ಮೂಲಕ ಮುಂದುವರಿದು ಬಳಿಕ ನೇಪಾಳ ತಲುಪುವ ಯೋಜನೆ ಹೊಂದಿದ್ದಾರೆ. ಮಾನಸಿಕ ಶಕ್ತಿಯಿಂದಲೇ ಸವಾಲುಗಳನ್ನು ಎದುರಿಸಬಹುದು ಎಂಬ ಸಂದೇಶವನ್ನು ಅವರು ಸಾರುತ್ತಿದ್ದಾರೆ.