ಹಿಂಡನ್‌ನಲ್ಲಿ ವಾಯುಪಡೆ ಶಕ್ತಿ ಪ್ರದರ್ಶನ

ಉತ್ತರ ಪ್ರದೇಶದ ಗಾಜಿಯಾಬಾದ್‌ನ ಹಿಂಡನ್ ವಾಯುಪಡೆ ನಿಲ್ದಾಣದಲ್ಲಿ ಭಾರತೀಯ ವಾಯುಪಡೆಯ ವಾರ್ಷಿಕ ‘ಏರ್ ಫೋರ್ಸ್ ಡೇ’ ಆಚರಣೆಗೆ ಮುನ್ನ ಪೂರ್ಣ ಪ್ರಮಾಣದ ಅಭ್ಯಾಸ ನಡೆಯಿತು. ಅಕ್ಟೋಬರ್ 8ರಂದು ಆಚರಿಸಲಾಗುವ ವಾಯುಪಡೆ ದಿನದ ಅಂಗವಾಗಿ ನಡೆಯಲಿರುವ ಕಾರ್ಯಕ್ರಮಕ್ಕೆ ಸಿದ್ಧತೆಗಳು ಭರದಿಂದ ಸಾಗಿವೆ. ಪೂರ್ಣ ಪ್ರಮಾಣದ ಅಭ್ಯಾಸದಲ್ಲಿ ಭಾರತೀಯ ವಾಯುಪಡೆಯ ಯುದ್ಧವಿಮಾನಗಳು, ಹೆಲಿಕಾಪ್ಟರ್‌ಗಳು ಮತ್ತು ಇತರ ವಿಮಾನಗಳು ಭಾಗವಹಿಸುವ ಮೂಲಕ ತಮ್ಮ ಸಾಮರ್ಥ್ಯವನ್ನು ಪ್ರದರ್ಶಿಸಿದವು. ಆಕಾಶದಲ್ಲಿ ವಿಮಾನಗಳ ರೋಚಕ ಕಸರತ್ತುಗಳು ಹಾಗೂ ಸಮನ್ವಯದ ಹಾರಾಟಗಳು ಗಮನ ಸೆಳೆದವು. ದೇಶದ ವಾಯು ಗಡಿಗಳ ರಕ್ಷಣೆಯಲ್ಲಿ ಭಾರತೀಯ ವಾಯುಪಡೆಯ ಪಾತ್ರವನ್ನು ಸ್ಮರಿಸುವ ದಿನವಾಗಿರುವ ಏರ್ ಫೋರ್ಸ್ ಡೇಗೆ ಮುನ್ನ ನಡೆದ ಈ ಅಭ್ಯಾಸದ ದೃಶ್ಯಗಳು ಇಲ್ಲಿವೆ. ಹಿಂಡನ್ ವಾಯುಪಡೆ ನಿಲ್ದಾಣದಿಂದ ಸಿದ್ಧತೆಯ ವಿಶೇಷ ದೃಶ್ಯಗಳನ್ನು ವೀಕ್ಷಿಸಿ.