ಶೂಟಿಂಗ್ನಲ್ಲಿ ಯಶ್ ಬ್ಯುಸಿ; ಮಕ್ಕಳನ್ನು ಟ್ರಿಪ್ಗೆ ಕರೆದೊಯ್ದ ರಾಧಿಕಾ ಪಂಡಿತ್
Radhika Pandit| ಕೊಡಗಿನ ಕಾಫಿ ಎಸ್ಟೇಟ್ನಲ್ಲಿ ಮಕ್ಕಳೊಂದಿಗೆ 'ಸಿಂಡ್ರೆಲಾ' ರಾಧಿಕಾ ಪಂಡಿತ್ ರಜೆಯ ಮಜಾ
ಮಕ್ಕಳಾದ ಆರ್ಯಾ ಮತ್ತು ಯಥರ್ವ ಜೊತೆ ಕೊಡಗಿನ ಸೌಂದರ್ಯ ಸವಿಯುತ್ತಿರುವ ಸ್ಯಾಂಡಲ್ವುಡ್ ಸಿಂಡ್ರೆಲಾ ರಾಧಿಕಾ ಪಂಡಿತ್ ಅವರ ಸುಂದರ ಫೋಟೊಗಳು ವೈರಲ್ ಆಗಿವೆ.
ಸ್ಯಾಂಡಲ್ವುಡ್ ನಟಿ ರಾಧಿಕಾ ಪಂಡಿತ್ ಅವರು ತಮ್ಮ ಮಕ್ಕಳಾದ ಆಯ್ರಾ ಮತ್ತು ಯಥರ್ವ ಜೊತೆಗೆ ಕೊಡಗಿನ ರಮಣೀಯ ತಾಣಗಳಲ್ಲಿ ಸುಂದರವಾದ ರಜಾದಿನಗಳನ್ನು ಕಳೆಯುತ್ತಿದ್ದಾರೆ. ಈ ಸುಂದರ ಫೋಟೋಗಳನ್ನು ಅವರು ಹಂಚಿಕೊಂಡಿದ್ದಾರೆ.
ಸದ್ಯಕ್ಕೆ ರಾಧಿಕಾ ಪಂಡಿತ್ ಅವರು ಪೂರ್ಣ ಸಮಯದ ತಾಯಿಯಾಗಿ ಮಕ್ಕಳ ಆರೈಕೆಯಲ್ಲಿ ತೊಡಗಿದ್ದು, ಈ ಬೇಸಿಗೆಯ ರಜೆಯನ್ನು ಎಂಜಾಯ್ ಮಾಡಲು ಕೊಡಗು ಮತ್ತು ಮಡಿಕೇರಿಯನ್ನು ಆಯ್ದುಕೊಂಡಿದ್ದಾರೆ. ಕಾಫಿ ನಾಡಿನ ಹಚ್ಚ ಹಸಿರಿನ ಬೆಟ್ಟಗಳು, ಸುಂದರವಾದ ಕೆರೆಗಳು ಮತ್ತು ಪ್ರಕೃತಿಯ ಮಡಿಲಲ್ಲಿರುವ ರೆಸಾರ್ಟ್ನಲ್ಲಿ ಮಕ್ಕಳೊಂದಿಗೆ ಕಾಲ ಕಳೆಯುತ್ತಿರುವ ಫೋಟೋಗಳನ್ನು ಅವರು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.
ಕಳೆದ ವರ್ಷ ಮಕ್ಕಳನ್ನು ಬೀಚ್ಗೆ ಕರೆದೊಯ್ದಿದ್ದ ರಾಧಿಕಾ, ಈ ಬಾರಿ ಪತಿ ಯಶ್ ಅವರು ಶೂಟಿಂಗ್ನಲ್ಲಿ ಬ್ಯುಸಿಯಾಗಿರುವ ಕಾರಣ ತಾವೇ ಮುಂದೆ ನಿಂತು ಮಕ್ಕಳಿಗೆ ಪ್ರಕೃತಿಯ ಸೌಂದರ್ಯವನ್ನು ಪರಿಚಯಿಸುತ್ತಿದ್ದಾರೆ.
ಇನ್ಸ್ಟಾಗ್ರಾಮ್ನಲ್ಲಿ ಕೊಡಗಿನ ಸೌಂದರ್ಯಕ್ಕೆ ಮನಸೋತ ರಾಧಿಕಾ ಅವರು "ಕೊಡಗು, ನೀನೊಂದು ಸುಂದರಿ" ಎಂಬ ಟ್ಯಾಗ್ಲೈನ್ನೊಂದಿಗೆ ಫೋಟೋಗಳನ್ನು ಪೋಸ್ಟ್ ಮಾಡಿದ್ದಾರೆ. ಈ ಫೋಟೋಗಳಲ್ಲಿ ಅವರು ಮಕ್ಕಳ ಕೈಹಿಡಿದು ಕೆರೆಯ ದಡದಲ್ಲಿ ನಡೆಯುತ್ತಿರುವುದು ಅಭಿಮಾನಿಗಳ ಗಮನ ಸೆಳೆದಿದೆ.
42 ವರ್ಷ ವಯಸ್ಸಾದರೂ ರಾಧಿಕಾ ಪಂಡಿತ್ ಅವರು ಇಂದಿಗೂ ಅತ್ಯಂತ ಸುಂದರವಾಗಿ ಮತ್ತು ಲವಲವಿಕೆಯಿಂದ ಕಾಣುತ್ತಿದ್ದು, ಇದನ್ನು ಕಂಡ ಅಭಿಮಾನಿಗಳು ಅವರನ್ನು 'ರಾಕಿಂಗ್ ಕ್ವೀನ್' ಮತ್ತು 'ಎವರ್ಗ್ರೀನ್ ಬ್ಯೂಟಿ' ಎಂದು ಕೊಂಡಾಡುತ್ತಿದ್ದಾರೆ. ಸರಳತೆಯೇ ನಿಮ್ಮ ನಿಜವಾದ ಸೌಂದರ್ಯ ಎಂದು ನೆಟ್ಟಿಗರು ಈ ಫೋಟೋಗಳಿಗೆ ಮೆಚ್ಚುಗೆಯ ಸುರಿಮಳೆಗೈಯುತ್ತಿದ್ದಾರೆ.
