ಸಮಂತಾ ಪ್ರೆಗ್ನೆನ್ಸಿ ಸುದ್ದಿ
ಪ್ರೆಗ್ನೆನ್ಸಿ ರಿವೀಲ್- ಸಕ್ಸನ್ಮೀಟ್ನಲ್ಲಿ ಗುಡ್ನ್ಯೂಸ್ ಕೊಟ್ಟ ಸಮಂತಾ!
‘ಮಾ ಇಂಟಿ ಬಂಗಾರಂ’ ಸಕ್ಸಸ್ ಮೀಟ್ನಲ್ಲಿ ಗರ್ಭಿಣಿಯಾಗಿರುವುದನ್ನು ನಟಿ ಸಮಂತಾ ಖಚಿತಪಡಿಸಿದ್ದು, ಸಿನಿಮಾ ಒಪ್ಪಂದಗಳು ಮುಗಿದ ನಂತರ ಚಿತ್ರರಂಗದಿಂದ ಸಣ್ಣ ಬ್ರೇಕ್ ಪಡೆಯಲಿದ್ದಾರೆ.
ತೆಲುಗು ಚಿತ್ರರಂಗಕ್ಕೆ ಭರ್ಜರಿಯಾಗಿ ಕಮ್ಬ್ಯಾಕ್ ಮಾಡಿರುವ ಸ್ಟಾರ್ ನಟಿ ಸಮಂತಾ ರುತ್ ಪ್ರಭು ಅವರು ಬುಧವಾರ ನಡೆದ ತಮ್ಮ ‘ಮಾ ಇಂಟಿ ಬಂಗಾರಂ’ ಚಿತ್ರದ ಸಕ್ಸಸ್ ಮೀಟ್ನಲ್ಲಿ ಅಭಿಮಾನಿಗಳಿಗೆ ಸಿಹಿ ಸುದ್ದಿಯೊಂದನ್ನು ನೀಡಿದ್ದಾರೆ. ತಾವು ಗರ್ಭಿಣಿಯಾಗಿರುವುದನ್ನು ಅಧಿಕೃತವಾಗಿ ಖಚಿತಪಡಿಸಿರುವ ಅವರು, ಪ್ರಸ್ತುತ ಒಪ್ಪಿಕೊಂಡಿರುವ ಚಿತ್ರಗಳ ಕೆಲಸ ಮುಗಿದ ನಂತರ ಚಿತ್ರರಂಗದಿಂದ ಸಣ್ಣ ಹೆರಿಗೆ ರಜೆ (ಮ್ಯಾಟರ್ನಿಟಿ ಬ್ರೇಕ್) ತೆಗೆದುಕೊಳ್ಳಲಿರುವುದಾಗಿ ಪ್ರಕಟಿಸಿದ್ದಾರೆ.
ಸಮಂತಾ ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ ಈ ಆ್ಯಕ್ಷನ್-ಫ್ಯಾಮಿಲಿ ಡ್ರಾಮಾ ಸಿನಿಮಾ ಗಲ್ಲಾಪೆಟ್ಟಿಗೆಯಲ್ಲಿ ಹೊಸ ದಾಖಲೆ ಬರೆದಿದೆ. ಕೇವಲ ಐದೇ ದಿನಗಳಲ್ಲಿ ವಿಶ್ವಾದ್ಯಂತ 50 ಕೋಟಿ ರೂ.ಗೂ ಹೆಚ್ಚು ಕಲೆಕ್ಷನ್ ಮಾಡುವ ಮೂಲಕ ಸಮಂತಾ ಅವರ ಸೋಲೋ ನಟನೆಯ ಚಿತ್ರಗಳಲ್ಲೇ ಅತಿ ಹೆಚ್ಚು ಗಳಿಕೆ ಕಂಡ ಸಿನಿಮಾ ಎಂಬ ಹೆಗ್ಗಳಿಕೆಗೆ ಇದು ಪಾತ್ರವಾಗಿದೆ.
ಕೌಟುಂಬಿಕ ಪ್ರೇಕ್ಷಕರು ಮತ್ತು ಚಿತ್ರದ ಬಗೆಗಿನ ಉತ್ತಮ ಮಾತುಗಳು (ವರ್ಡ್ ಆಫ್ ಮೌತ್) ಈ ಭಾರಿ ಯಶಸ್ಸಿಗೆ ಪ್ರಮುಖ ಕಾರಣವಾಗಿವೆ. ಚಿತ್ರದ ಯಶಸ್ಸಿನ ಸಭೆಯಲ್ಲಿ ಮಾತನಾಡುತ್ತಾ ಭಾವುಕರಾದ ಸಮಂತಾ, ಸಿನಿಮಾ ಬಿಡುಗಡೆಗೆ ಮುನ್ನ ಟಿಕೆಟ್ಗಳು ಮಾರಾಟವಾಗುತ್ತವೆಯೇ ಇಲ್ಲವೇ ಎಂಬ ತೀವ್ರ ಗೊಂದಲ ಮತ್ತು ಅನುಮಾನಗಳು ನನಗಿದ್ದವು ಎಂದು ಹಳೆಯ ದಿನಗಳನ್ನು ನೆನಪಿಸಿಕೊಂಡರು.
ಇದೇ ವೇಳೆ ತಮ್ಮ ಬೆನ್ನೆಲುಬಾಗಿ ನಿಂತ ಪತಿ ರಾಜ್ ನಿಡಿಮೋರು ಮತ್ತು ಚಿತ್ರತಂಡಕ್ಕೆ ಧನ್ಯವಾದ ಅರ್ಪಿಸಿದ ಅವರು, ನಿಮ್ಮ ಯಶಸ್ಸನ್ನು ಸಂಭ್ರಮಿಸುವಂತಹ ಮತ್ತು ಹೆಮ್ಮೆಪಡುವಂತಹ ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿಕೊಳ್ಳಿ ಎಂದು ವೇದಿಕೆಯ ಮೇಲಿಂದಲೇ ಎಲ್ಲರಿಗೂ ವಿಶೇಷ ಕಿವಿಮಾತು ಹೇಳಿದರು.
