ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನದ ಬಹುನಿರೀಕ್ಷಿತ ‘ಲವ್‌ & ವಾರ್‌’ ಸಿನಿಮಾದಲ್ಲಿ ಆಲಿಯಾ ಭಟ್‌ ಅವರ ಮೊದಲ ಲುಕ್‌ ಬಿಡುಗಡೆಯಾಗಿದೆ.
‘ಲವ್‌ & ವಾರ್‌’ನಲ್ಲಿ ಆಲಿಯಾ ಕ್ಯಾಬರೆ ಕಲಾವಿದೆಯೇ? ಫಸ್ಟ್‌ ಲುಕ್‌ ರಿವೀಲ್
ಯುದ್ಧದ ಹಿನ್ನೆಲೆಯ ಪ್ರೇಮಕಥೆಯಾಗಿ ಮೂಡಿಬರುತ್ತಿರುವ ‘ಲವ್‌ & ವಾರ್‌’ ಸಿನಿಮಾ 2027ರ ಜನವರಿ 21ರಂದು ವಿಶ್ವಾದ್ಯಂತ ಬಿಡುಗಡೆಯಾಗಲಿದೆ.
ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನದ ಬಹುನಿರೀಕ್ಷಿತ ‘ಲವ್‌ & ವಾರ್‌’ ಸಿನಿಮಾದಲ್ಲಿ ಆಲಿಯಾ ಭಟ್‌ ಅವರ ಮೊದಲ ಲುಕ್‌ ಬಿಡುಗಡೆಯಾಗಿದೆ. ಶುಕ್ರವಾರ ಚಿತ್ರತಂಡ ಆಲಿಯಾ ಅವರ ಪೋಸ್ಟರ್‌ ಅನ್ನು ಹಂಚಿಕೊಂಡಿದ್ದು, ಇದರಲ್ಲಿ ಅವರು ರೆಟ್ರೋ ಶೈಲಿಯ ಗ್ಲಾಮರಸ್‌ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಪೋಸ್ಟರ್‌ನಲ್ಲಿ ಆಲಿಯಾ ಭಟ್‌ ಕೆಂಪು-ಮರೂನ್‌ ಬಣ್ಣದ ಉಡುಪಿನಲ್ಲಿ ಕುರ್ಚಿಯ ಮೇಲೆ ಕುಳಿತಿರುವುದು ಕಂಡುಬಂದಿದೆ. ವಿಶೇಷ ಹೆಡ್‌ಪೀಸ್‌, ವೇದಿಕೆಯ ಲೈಟಿಂಗ್‌ ಹಾಗೂ ರೆಟ್ರೋ ವಿನ್ಯಾಸ ಪೋಸ್ಟರ್‌ಗೆ ವಿಭಿನ್ನ ಲುಕ್‌ ನೀಡಿದೆ. ಅವರ ಪಾತ್ರ ಕ್ಯಾಬರೆ ಕಲಾವಿದೆಯ ರೀತಿಯಲ್ಲಿ ಇರಬಹುದು ಎಂದು ವರದಿಯಾಗಿದೆ.
‘ಆಗ್ ಭೀ, ದಿಲೋಂ ಕಿ ಜಾನ್ ಭೀ!’
ಆಲಿಯಾ ಅವರ ಪಾತ್ರವನ್ನು ಪರಿಚಯಿಸಿರುವ ಚಿತ್ರತಂಡ, “ಆಗ್ ಭಿ, ದಿಲೋನ್ ಕಿ ಜಾನ್ ಭಿ!” ಎಂಬ ಸಾಲಿನೊಂದಿಗೆ ಪೋಸ್ಟರ್‌ ಬಿಡುಗಡೆ ಮಾಡಿದೆ. ಆಲಿಯಾ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟರ್‌ ಹಂಚಿಕೊಂಡು “ಪುನರ್ಮಿಲನ” ಎಂದು ಬರೆದುಕೊಂಡಿದ್ದಾರೆ.
ರಣಬೀರ್‌, ವಿಕ್ಕಿ ಜೊತೆ ಆಲಿಯಾ
‘ಲವ್‌ & ವಾರ್‌’ನಲ್ಲಿ ಆಲಿಯಾ ಭಟ್‌ ಜೊತೆಗೆ ರಣಬೀರ್‌ ಕಪೂರ್‌ ಮತ್ತು ವಿಕ್ಕಿ ಕೌಶಲ್‌ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಒಂದು ದಿನ ಮೊದಲು ರಣಬೀರ್‌ ಕಪೂರ್‌ ಅವರ ಮೊದಲ ಲುಕ್‌ ಅನ್ನು ಚಿತ್ರತಂಡ ಬಿಡುಗಡೆ ಮಾಡಿತ್ತು. ಈ ಸಿನಿಮಾ ಆಲಿಯಾ ಮತ್ತು ಬನ್ಸಾಲಿ ಅವರ 2022ರ ‘ಗಂಗೂಬಾಯಿ ಕಾಠಿಯಾವಾಡಿ’ ಬಳಿಕದ ಮತ್ತೊಂದು ಸಹಯೋಗವಾಗಿದೆ.
2027ರ ಜನವರಿಯಲ್ಲಿ ಸಿನಿಮಾ ಬಿಡುಗಡೆ
ಯುದ್ಧದ ಹಿನ್ನೆಲೆಯ ಪ್ರೇಮಕಥೆಯಾಗಿ ಮೂಡಿಬರುತ್ತಿರುವ ‘ಲವ್‌ & ವಾರ್‌’ ಸಿನಿಮಾ 2027ರ ಜನವರಿ 21ರಂದು ವಿಶ್ವಾದ್ಯಂತ ಬಿಡುಗಡೆಯಾಗಲಿದೆ. ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಸಿನಿಮಾ ತೆರೆಗೆ ಬರಲಿದೆ ಎಂದು ಚಿತ್ರತಂಡ ತಿಳಿಸಿದೆ.
